Self​- Awareness

Samnag Chea
Share on facebook
Share on linkedin

Self​- Awareness 

អ្នកស្រី​ ជា សំណាង

ការយល់ដឹងពីខ្លួនឯង ឬ ការស្គាល់ពីខ្លួនឯង មានន័យបែបណាដែរ?

តើហេតុអ្វីបានជាការយល់ដឹងពីខ្លួនឯងមានសារៈសំខាន់សម្រាប់មនុស្សម្នាក់ៗ​ទាំងនៅក្នុងជីវិត​ផ្ទាល់ខ្លួនក៏ដូចជាជិវិតការងារ? 

តើមានលក្ខណៈអ្វីខ្លះដែលអាចបញ្ជាក់ថាយើងមានការយល់ដឹងពីខ្លួនឯង​?​

ការយល់ដឹងពីខ្លួនឯងគឺជាសមត្ថភាពក្នុងការផ្តោត ការឆ្លុះបញ្ចាំង ក៏ដូចជាអារម្មណ៍ និងប្រតិកម្មរបស់ខ្លួនទៅលើអ្វីមួយដែលមានទំនាក់ទំនងជាមួយនឹងស្ថានភាព ឬមនុស្សនៅជុំវិញខ្លួន។ 

ការយល់ដឹងពីខ្លួនឯងពិតជាមានសារៈសំខាន់ណាស់​ទាំងនៅក្នុងជីវិត​ផ្ទាល់ខ្លួនក៏ដូចជាជិវិតការងារ ដោយ​សារ​បុគ្គលដែលមានការយល់ដឹងពីខ្លួនឯងច្រើនគឺជួយឲ្យពួកគាត់មានចិត្តស្ងប់ អាចគ្រប់គ្រងអារម្មណ៍បានយ៉ាងល្អ មានការគិតវិភាគបានល្អិតល្អន់មុននឹងឆ្លើយតបទៅក្រុមការងារ មានហេតុផលច្បាស់លាស់នៅពេលចរចារ ស្គាល់ពីគុណតម្លៃខ្លូន​ឯង ហើយក៏គោរពគុណតម្លៃរបស់អ្នកដទៃដូចគ្នា។ ម្យ៉ាងវិញទៀតពួកគាត់ក៏អាចដឹងពីការយល់ឃើញរបស់អ្នកដទៃមកលើខ្លួនផងដែរ។ 

ជាងនេះទៅទៀត ការយល់ដឹងពីខ្លួនឯងគឺធ្វើឲ្យបុគ្គលនោះសប្បាយចិត្ត និងពេញចិត្តនូវអ្វីដែលខ្លួនមាន ហើយ​កត្តាទាំងនោះនឹង​នាំឲ្យ​គេបំពេញ​ការងារ​ទទួលបានផលិតភាពខ្ពស់។ ចំពោះអ្នកដឹកនាំវិញនឹងក្លាយ​ជាបុគ្គលដែលជួយជំរុញលើកទឹកចិត្តដល់បុគ្គលិកបានយ៉ាងល្អ ដែលនាំឲ្យបុគ្គលិកក្រោមបង្គាប់សប្បាយចិត្តក្នុងការបំពេញការងារឲ្យស្ថាប័នរបស់ខ្លួន។ 

លោកអ្នកអាចចូលទៅក្នុងគេហទំព័រ https://mindcamp.asia/ ដើម្បីទទួលបានកម្មវិធីអភិវឌ្ឍនិងពង្រឹងសមត្ថភាពផ្ទាល់ខ្លួន។